Gjermania do të mbyllë kufijtë me Republikën Çeke dhe rajonin austriak Tirol, pasi të dy zonat kanë shifra të larta infektimi të varianteve të reja të COVID-19.
Deklarata u bë nga ministri i Brendshëm gjerman, Horst Seehofer, i cili tha se këto masa do të hyjnë në fuqi të dielën në mbrëmje, me disa përjashtime që aktualisht janë duke u diskutuar.
Tiroli dhe rajonet Çeke në kufi me Gjermaninë do të klasifikohen në listën e territoreve shumë të prekura nga mutacionet e virusit, tha Seehofer.
Udhëtarët që vijnë nga zona të caktuara të Austrisë ose Republikës Çeke do të duhet të provojnë të një test negativ të koronavirusit për të hyrë në Gjermani, një kërkesë kjo që do të paraqesë pengesë për mijëra punëtorë ndërkufitarë.
Nuk është e qartë për sa kohë do të zgjasin kontrollet kufitare.
Guvernatori i Bavarisë Markus Soeder, shteti i të cilit kufizohet si me Austrinë dhe Republikën Çeke, tha më herët se në rast të një veprimi të tillë nga qeveria federale, Bavaria do të kërkonte leje për të ngritur posta kufitare ku udhëtarët që nuk paraqesin një test COVID-19 të kthehen pas.
Soeder tha se të gjitha rajonet e Bavarisë me nivele të larta infeksioni nga koronavirusi, janë të vendosura në kufirin gjermano-çek.
Ai vlerësoi masat e marra nga Republika Çeke për të përmbajtur përhapjen e varianteve të virusit dhe kritikoi autoritetet në Tirol, duke thënë që ato duket se nuk po e merrnin seriozisht situatën.
Lista e kufizuar e Gjermanisë tashmë përfshin Britaninë, Afrikën e Jugut, Brazilin dhe Portugalinë.
Këto kufizime nuk prekin gjermanët që jetojnë në ato vende, shtetasit nga ato vende që jetojnë në Gjermani, udhëtarët tranzit apo transportin e mallrave.
Përjashtime mund të përcaktohen për kategori të caktuara në lidhje me Austrinë dhe Republikën Çeke, për të mbrojtur lidhjet e ngushta ekonomike të Gjermanisë me ato vende.
Qeveria Çeke njoftoi të enjten se po izolonte tre rajone, duke përfshirë dy që kufizohen me Gjermaninë, për shkak të një incidence të lartë të variantit britanik të koronavirusit.
Banorët nuk lejohen të largohen nga këto zona dhe askush nuk mund të hyjë përveç disa përjashtimeve, tha qeveria në Pragë.
Kancelarja gjermane Angela Merkel dhe 16 guvernatorët e vendit vendosën të mërkurën të zgjasin bllokimin e vendit deri në 7 mars mes shqetësimit se variantet e reja të virusit mund të ulen.
