Një aksident rrugor ka ndodhur mbrëmjen e djeshme në Deçan të Kosovës, ku si pasojë tetë persona kanë përsuar lëndime trupore.
Tre nga të lënduarit vlerësohet se janë në gjendje më të rëndë. Lajmin për Telegrafin e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Rreth orës 20:10të së mërkurës, në rrugën “Luan Haradinaj” në Deçan, ka ndodhur një aksident trafiku, ku të involvuara kanë qenë dy vetura. Tetë persona kanë pësuar lëndime trupore, dhe të gjithë janë dërguar me emergjencë në Spitalin Rajonal për trajtim. Mjeku ka vlerësuar se tre prej tyre janë në gjendje më të rëndë shëndetësore”, tha Gashi.
