Ministrja e Shëndetësisë, Ogerta Manastirliu, tha se bazuar në skedulet e Pfizer dozat e vaksinave në Shqipëri do të vijnë në datat 15 dhe 22 shkurt e kvshtu me rradhë.
Manastirliu tha se 40 mijë vaksina do të vijnë në shkurt dhe fillim marsi, duke shtuar se në 15 shkurt vijnë 7 mijë doza.
Ajo tha se nëpërmjet Covax do të vijnë dozat e vaksinës së AstraZeneca.
“Jemi të dytët që kemi lidhur kontratat dhe kemi nisur vaksinimet në Ballkanin Perëndimor”, tha Manastirliu, ndërsa shtoi se bazuar në kontratat me Pfizer, janë siguruar 1.6 mln vaksina për 800 mijë qytetarë.
Ministrja e Shëndetësisë nuk ishte në gjendje të siguronte se kur do të niste vaksnimin për popullatën, ndërsa tha se pas mjekëve dhe infermirëve, vaksinimet do të vijojnë në qendrat rezidenciale të moshës së tretë.
