Një grup të rinjsh shqiptarë kanë dhunuar brutalisht një 19-vjeçar italian, në Mestre (Venecia) të Italisë. Policia ka rindërtuar të gjithë ngjarjen. Sipas tyre 19-vjeçari është sulmuar nga shqiptarët me doreza hekuri dhe sende të forta.
Ai ka tentuar të largohet, por nuk është lejuar nga grupi i djemve shqiptarë të cilët e kanë dhunuar rëndë. Me plagë në kokë ai është transportuar në spitalin lokal të Mestre. Sapo mori njoftimin për ngjarjen, dhjetëra patrulla policie u drejtuan për atje.
Ata gjetën në qendër të qytetit shumë të rinj, por ende nuk kanë mundur të arrestojnë shqiptarët. Policia shpreson se identifikimin e tyre do të mund ta bëjë me anë të kamerave të sigurisë që ndodhen të vendosura në zonë.
