Damian Gjiknuri, të cilit i është besuar Qarku i Vlorës për fushatvn e zgjedhjeve të 25 prillit, nga Kryeministri Edi Rama, prej muajsh është angazhuar në këtë qark në kuadrin e përgatitjes së strukturave.
Gjiknuri sot duket se ka marrë atë rol që vite më parë e ka pasur Koço Kokëdhima, i pozicionuar aktualisht si një nga kritikët e fortë të Kryeministrit Rama, edhe pse prej vitesh ka luajtur rolin e mentorit të tij politik.
Krahas angazhimit me organizimin e strukturave dhe takimet elektorale, Gjiknuri duket se po bën edhe rolin e fotografit të Rilindjes.
Së fundmi ai ka postuar në rrjetet sociale blloqe banesash dhe lagjesh në Vlorë, duke tentuar të bëjë krahasime mes kohës kur PS ishte në opozitë dhe tani që është në qeverisje.
Në fakt pushtetin vendor në Vlorë, pra bashkinë e qytetit, e kanë drejtuar socialistët prej vitit 1997, pra për rreth 24 vite.
Gjithsesi krahas investimeve që Gjiknuri i paraqet si punë të Rilindjes, ai ka një detyrim për t`i shpjeguar qytetarëve të Vlorës sepse ky qytet përmbytet dhe ngjason me Venecian?
A është edhe kjo meritë e Rilindjes…
