Mbrojtësi i Juventusit, Leonardo Bonucci thuhet se do të humbasë përplasjen me Interin në Coppa Italia, por Paulo Dybala mund të kthehet në stol.
La Gazzetta dello Sport raporton se argjentinasi, i cili u stërvit individualisht dje, nuk ka të ngjarë të kthehet në formacion kundër Nerazzurri, por mund të jetë në dispozicion për stol.
26-vjeçari ka shumë të ngjarë të shërohet plotësisht dhe në dispozicion të trajnerit Andrea Pirlo kundër Napolit këtë fundjavë.
Bonucci thuhet se vuan nga një problem në kofshën e djathtë dhe nuk do të rrezikohet përpara një orari të ngjeshur duke përfshirë rinisjen e Ligës së Kampionëve.
Çështja e qendërmbrojtësit nuk është serioze dhe ai do të jetë përsëri i gatshëm kur “Zonja e Vjetër” të udhëtojë në Napoli.
Por kjo nuk është e tëra, futbollistët e Juventusit, Arthur Melo dhe Alvaro Morata mund të mos paraqiten në ndeshjen kthyese të gjysmëfinales së Coppa Italia ndaj Interit.
Juventusi pret Interin në Allanz Stadium në kuadër të gjysmëfinales se Coppa Italia, ndeshja e parë në “Giuseppe Meazza”, Juventusi triumfoi me rezultatin 2-1, golat u shënuan nga Martinez (9′) ndërsa për Juven, Ronaldo (26′) dhe (35′).
Arthur Melo dhe Alvaro Morata mund të humbin “Derby D’Italia” në gjysmëfinale të Coppa Italia që është paraparë të zhvillohet sonte në mbrëmje.
Sipas “Tuttosport”, Arthur dhe Morata janë infektuar me virus, por nuk ka të bëjë me COVID-19. Fjala bëhet për një virus që sulmon zorrët, dhe sipas artikullit ky mund të jetë shkaku kryesor për mos përfshirjen e futbollistëve “Bianconerë” sonte.
