Imunologu i njohur Genc Sulçebe tha mëngjesin e sotëm në Abcnews se vaksinimi është një proces që duhet të realizohet shpejt dhe mendoj se nuk duhet të ketë preferenca lidhur me vaksinat që përdoren.
Sulçebe tha se ky debati i vaksinave më shumë duket si një çështje politike dhe tregtare, sesa ka të bëjë me sigurinë e vaksinave.
“Vaksina nuk ka dëme, nuk shkakton dëme, vetëm nxit imunitetin. Edhe ne do të shkojmë drejt trendit që po ndodh me shumë nga vendet ku ka një kombinim vaksinash, jo vetëm të Pfizer apo Modernas, por edhe vaksinës ruse, kineze dhe vaksinave të tjera që janë duke u prodhuar”, tha Sulçebe.
Sipas tij, në kushtet kur vendet e zhvilluara kanë pronotuar 3 apo 4 herë më shumë vaksina se numri i banorëve që kanë, bënë që të ketë një stopim të shpërndarjes së vaksinave në vendet të tjera.
“Mendoj se duhet të përdoren vaksinat që tashmë janë provuar. Nga studimet rezulton se edhe vaksina ruse ka një mbrojtje 92 %, pra shumë të lartë. I gjithë procesi duhet të ecë me shpejtësi pasi ky është edhe thelbi i vaksinimit”, tha Sulçebe.
