Konfirmohen rastet e para të ri-infektimeve me Covid 19! Nga raportimet mësohet se në Shkodër janë konfirmuar dy raste të ri-infektimeve, te pacientë që e kanë kaluar koronavirusin 6 muaj më parë.
Ri-infektimet janë konfirmuar edhe nga ministrja e Shëndetësisë, Ogerta Manastirliu, e cila në një konferencë për mediat tha se fakti që ka pasur raste të tilla, por edhe prekja e moshave të reja me Covid-19, tregojnë se në Shqipëri qarkullojnë variantet e reja të Covid-19.
Ajo tha se gjithsesi priten analizat nga laboratorët e Gjermanisë, atje ku janë dërguar edhe mostrat nga ISHP. Manastirliu nuk dha të dhëna lidhur me rastet e ri-infektimeve, në çfarë mase janë ato, por e lidhi me shtimin e rasteve të reja.
Lidhur me protokollin e mjekimit, Manastirliu tha se po përdoren terapi në kushtet e banesave, që përdoren në spitale.
“Kemi alarmin e mjekëve që thonë se pacientët mbërrijnë në kushte të vështira shëndetësore, në gjendje të rënduar”, tha ajo.
