Personi në foto, është Gentian Qarri, i cili u vra këtë mbrëmje në Vlorë. Gjithçka lidhet me të shkuarën e errët të viktimës, pasi ka qenë i dënuar mbi 10 vite për drogë në Itali.
Pas kryerjes së dënimit në shtetin fqinj, Gentian Qarri prej 3 vitesh është kthyer në Vlorë dhe ishte martuar.
Aktualisht, 40 vjeçari punonte si hidraulik. Për shkak të dënimit për drogë, pista e hetimit është përqëndruar tek larja e hesapeve.
Skema e ekzekutimit
Dyshohet se autorët, të veshur me kapele dhe maska kanë qëlluar ndaj Qarrit 20 herë nga një automjet në lëvizje.
Mësohet se nga të shtënat, disa plumba e prekën Qarrin në gjoks. Ai u dërgua fillimisht me urgjencë në spital, ndërsa nuk mundi t’i mbijetojë plagëve.
Autorët e ruanin Qarrin, ndërsa pritën momentin teksa ai po lëvizte në këmbë në lagjen ’29 nëntori’ për t’a qëlluar.
40-vjeçari mësohet se po shkonte drejt banesës së tij. Pas të shtënave me breshëri, autorët janë larguar me shpejtësi.
LEXO EDHE:
Ekzekutimi i 40-vjeçarit në Vlorë/ Kush është Gentian Qarri dhe e shkuara e errët në Itali
