Kartonët e kuq janë kthyer në një problem te skuadra e Partizanit. Në tre sfida radhazi, Partizani e ka mbyllur 90 minutëshin me 10 futbollistë.
U ndëshkua me karton të kuq Jurgen Bardhi në derbin kundër Tiranës, Valentino Murataj kundër Teutës dhe Eneo Bitri ndaj Vllaznisë.
Gjithashtu, edhe Jasir Asani do të mungojë kundër Bylisit, për shkak se ka plotësuar numrin e katër kartonëve të verdhë. Në të djathtë të sulmit, pritet të luajë Mala, ndërsa në vend të Bitrit, pritet të spostohet mesfushori Broja. Kote mund të rikthehet në formacionin titullar dhe Daja pritet të ndryshojë skemë dhe të rikthehet te 4-1- 4-1, normalisht ndikuar dhe nga dy pezullimet e Bitrit dhe Asanit.
Sfida mes Bylisit dhe Partizanit luhet sot në stadiumin “Adush Muça”, në orën 13:45. Balshiotët janë në vend të 9-të në renditje, ndërsa Partizani ndodhet në vendin e dytë.
Formacionet e mundshme:
Partizani, 4-1-4-1: Hoxha; Idrizaj, Broja, Belica, Hakaj, Kote, Mala, Murataj, Bardhi, Melo, Cinari
Bylisi, 4-4-1-1: Qirko, Ymeralilaj, Janku, Stojanovic, Lorran, Hadroji, Kardozo, Ujka, Ndreca, Antoni, Kojic
