Një aksident me pasojë plagosjen e një personi është regjistruar këtë pasdite në Tiranë.
Burime bëjnë me dije, se një automjet ka përplasur një këmbësor rreth orës 17:20 tek ish-Dogana. Ky i fundit raportohet se ndodhet në spital nën kujdesin e mjekëve.
Identiteti i të plagosurit ende nuk bëhet me dije ndërsa mësohet se drejtuesi i automjetit është shoqëruar nga policia për veprime të mëtejshme hetimore.
Njoftimi i Policisë:
Më datë 03.02.2021, rreth orës 17:20, tek Ish- Dogana, mjeti me drejtues shtetasin J. M., 28 vjeç, ka aksidentuar një këmbësor ende të paidentifikuar i cili u dërgua në spital dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
