Shefja e Spitalit Infektiv, Najada Çomo, tha se është rritur numri i personave në moshë të re, që shtrohen në spital si pasojë e infektimit me koronavirus.
Në një intervistë për “Top Channel”, Çomo u shpreh se ka një prekje të madhe të grupmoshës 30-45 vjeç, të cilët po shtrohen në spital në gjendje të rënduar shëndetësore.
Ajo bëri apel për respektimin e masave të thjeshta anti-covid, për mbajtjen e maskës, respektimin e distancimit social dhe kujdesi për higjienën personale.
“Kemi një shtim të numrit të peronave të shtruar, sikurse kemi edhe një shtim të numrit të rasteve pozitive. Jo vetëm është shtuar numri i personave të shtruar por është ulur gruposh a prekur dhe tashmë e shtruar në spital, kemi një trend në prekjen e grupmoshave 30 apo 35-vjeç që vijnë në situatë të rënduar nga ana shëndetësore.
Kemi shtim të numrit të personave në moshë më të re dhe është pikërisht mosha e re që kanë kontakt më të shumtë me njëri-tjetrin dhe ata janë një burim më i gjerë infeksioni si për veten ashtu edhe për familjarët”, tha Najada.
