Eksperti i arsimit pranë PD-së, Ndriçim Mehmeti, në një lidhje Skype për emisionin ‘Me Xhaxhiu’ foli mbi programin që Partia Demokratike ka prezantuar për arsimin.
Sipas Mehmetit portali “Mësues për Shqipërinë” është kthyer në portalin “mësues për partinë” dhe se një gjë e tillë është kundërshtuar edhe nga UNESCO.
Ndër të tjera, ai tha se punësimi në arsim do të jetë në bazë të meritës dhe jo duke qenë mbështetës apo simpatizantë të partive të ndryshme politike.
“Ne kemi sot një portal që quhet Mësues për Shqipërinë që në fakt është kthyer në portal ‘mësues për partinë’. Portali është kundërshtuar nga një rasport i UNESCO-s, i kërkuar nga znj.Nikolla në vitin 2018, sepse një individ nuk mund të provohet dy herë për të njëjtën gjë, që do të thotë, pasi ai është liçencuar nga qendra Shërbime Arsimore ai ka të drejtën të jetë mësues.
Është shprehur qartë që jemi për një qeverisje të vogël e para, e dyta nuk kemi vende pune në shtet pra nuk do të jetë shteti punëdhënësi më i madh, por do të jetë privati me mundësitë që do të japi, së treti ne do të zgjerojmë numrin e ndihmës mësuesve të cilët do të trajnohen dhe do të specializohen.
Të gjithë këto të mos i gënjej mendja njeriu se me militantizëm do të vijë dhe do të zejë vendin e punës. Do të ketë ndryshime ligjore dhe ka vullnet për këtë”, tha Mehmeti.
