Në 24 orët e fundit, Italia ka regjistruar 14,218 raste të reja me koronavirus, nga 270,507 teste të kryera. Brenda ditës, si pasojë e Covid-19 humbën jetën 377 qytetarë, kurse një ditë më parë u regjistruan 422 viktima.
Që nga fillimi i pandemisë e deri më tani, Italia numëron 2,6 milionë raste pozitive kurse numri i viktimave është 90,618. Në kujdesin intensiv ndodhen të shtruar 2,142 pacientë ndërsa pranimet ditore ishin 132. Të shtruarit në spital me simptoma janë 19,575, pra 168 më pak se dje.
Aktualisht raste aktive janë 429,118, nga këto 407,401 ndodhen në izolim në shtëpi dhe 19,575 ndodhen të shtruar në spitale me simptoma.
