Mjeku shqiptar në Itali, Albert Troci ka komentuar situatën më të fundit të krijuar nga shfaqja e varianteve të reja të koronavirust në botë.
Troci në një intervistë të dhënë për “ABC News” ka bërë me dije se tre variantet e reja më të përhapura janë ai britanik, i Afrikës së Jugut dhe i Brazilit të cilët duket se kanë një përhapje të shpejtë.
Mjeku ndër të tjera ka theksuar se variantet e reja mund të jenë më vdekjeprurës për shkak se ato kanë një aksion më të shpejtë tek individët.
“Variantet e reja janë më të shpejt dhe mund të japin dhe shenja më të rënda. Varianti i Afrikës së Jugut dhe Britanik janë variantet që kanë karakteristika të përbashkëta dhe janë më infektuar. Varianti Britanik dhe i Afrikës së Jugut kanë disa gjëra të përbashkëta duke e bërë virulencën më të lartë dhe të qëndrojë më gjatë te një pacient dhe të jetë me infektues. Këto variante e dimë se deri më tani ka vetëm prova laboratorike dhe fatmirësisht rezulton se vaksinat janë efektive, por nuk dihet saktësisht efekti që ato kanë per mbrojtje ndaj tyre. AstraZeneca pritet që në vjeshtë të prodhojë një alternim vaksinash për variantet e reja.
Mutacioni i vazhdueshëm i koronavirusit mund të dërgojë në një infektim më të lartë pasi mund të kemi shumë mutacione të cilët lëvizin shumë shpejt siç është ai britanik që është konstatuar deri në 70 vende. Ka dy mënyra se si mund të jetë më vdekjeprurës pasi mund të jetë aksioni i drejtpërdrejtë dhe mënyra e dytë është e nëse është më shumë i transmertues atëherë mbingarkesa do të dërgojë në rritjen e numrit të vdekjeve”, ka thënë mjeku.
Ndër të tjera doktori thekson se dhe në Itali ka pasur raste të infektimit me Covid pas vaksinimit, por kjo është diçka normale pasi nuk është arritur akoma koha për krijimin e antitrupave.
Ai ka theksuar se një person i cili ka marrë dozën e parë të vaksinës, është i infektuar me Covid nuk mund të marrë dozën e dytë të saj.
“Në rast se një person që është marrë doza e parë ato janë infektuar nuk do të marrin dozën e dytë dhe ato që e kanë kaluar koronavirusin kanë pas më shumë infeksion krahasuar me personat e tjerë që nuk e kanë kaluar Covid. Këto pacientë mendohet se e kanë një imunitete dhe më ideale është niveli i antikorpeve dhe jo vaksinës. Por bluzat e bardha e kanë bërë”, ka thënë ai.
