Skuadra e Real Madrid ka konfirmuar se Eden Hazard ka pësuar një dëmtim muskular. Klubi ‘mbretëror’ nuk ka bërë të ditur kohën që belgu do të qëndrojë jashtë fushave, por sipas gazetave spanjolle, flitet për një periudhë 4-6 javore.
Hazard kishte startuar në katër nga gjashtë ndeshjet e fundit të Madridit, edhe pse në asnjërën prej tyre ai nuk mundur të luajë 90 minuta.
Karriera e anësorit me Real Madrid është karakterizuar nga dëmtime të shumta. Ai ka luajtur vetëm 35 ndeshje nga 79 të mundshme me fanellën e bardhë.
