Rruga Qafa e Kasharit – Mëzes, një nga akset më të frekuentuara pas punimeve të Unazës, është kthyer në një makth të vërtetë për banorët dhe shoferët.
E pa asfaltuar, me gropa të mëdha dhe në këto ditë me ujë, është bërë pothuajse e pakalueshme. Disa muaj më parë, në atë rrugë janë bërë punime, të cilat janë lënë në mes.
Asnjë makineri private, por edhe të bashkisë, nuk e mirëmban. Siç e shikoni edhe nga videot, në këtë segment nuk po bëhet asnjë punim, çka ka sjellë dyshime të mëdha se është lënë në “mëshirë të fatit”, megjithëse aktualisht është hyrja për në kryeqytet.
Nëse automjetet do të lëvizin nga zona e “Astirit”, atëherë makthi shtohet, pasi edhe ajo rrugë është e shkatërruar. Duket se vëmendja e Lali Erit nuk është e përqendruar te këto rrugë, por te kullat në qendër të Tiranës, të cilat dita-ditës po shtohen me ritme të shpejta.
Dhe, në të njëjta vende që ishin projektuar nga Ndragheta!
