Endri Shabani nga Nisma Thurrje u shpreh mbrëmjen e sotme në emisionin “Open” se Edi Rama është peng i një sistemi që ka ngritur vetë me të fortët, grupet kriminale dhe personat e kriminalizuar.
Sipas Shabanit, Edi Rama ngriti një sistem që sot është kthyer në një peng dhe nuk po qeveris dot më.
“Ngriti sistemin me të fortët e zonave, vendosi kandidatët me rekorde kriminale, ata që financonin fushatat e shtrenjta, që nuk mund të financohen nga bizneset e ndershme. I gjithë ky sistem ka marrë sot peng Edi Ramën, i cili sot nuk mund të qeverisi pa këto grupe”, tha Shabani.
Sipas tij, Edi Rama si kryetar i PS-së, firmos atë listën e kandidatëve për deputet, dhe nuk mund të thotë sot se nuk mbaj unë përgjegjësi, por mban individi përgjegjësi ligjore.
“Ajo lista e kandidatëve hartohet nga Kryetari, firmoset nga Kryetari, atëherë si nuk mban ai përgjegjësi”, tha Shabani.
