Përfundon mbledhja e shtabit elektoreral të PS. Kryeministri Edi Rama u pyet fillimish tpër procesin e vaksinimit dhe sa vaksina do të vijnë në vendin tonë dhe si është marrëdhënia me kompanitë prodhuese.
“Jemi në kushtet kur kemi një kontrat direkte dhe nuk jemi në dorë të BE dhe as në dorë të mekanizmit të COVAX që dhe aty problem është i madh, pjesë e kësaj katrahure. Kanë filluar kërcënimet për hedhje në gjyqe të kompanive nga disa vende të BE-së. Kemi vetëm një spostim në kohë, pasi dozat e para të Pfizerit duhet të vinin në javën e tretë të janarit dhe sipas konfoirmimit të fundit, ato mbërrijnë sot dhe do të vazhdojnë me faza në një kohë që jemi shumë afër një marrëveshje me Astra Zeneca dhe po vazhdojmë kontaktet tonë me tre shtete.
Jemi në rrugë të mbarë që për momentin mund ta them që skenari i parë i vaksinimit Brenda 14 muajsh nuk do të kalojë.
Do vazhdojmë me mjekët e infermierët më pas me të moshuarit.Nuk e kam në këtë moment shifrën se sa do të jenë dozat që do vijnë sot, por ne do vazhdojmë të vaksinojmë të tjerë. Muaji shkurt do të qartësojë të gjithë procesin. Sot do të vijnë doza më pak se ato që ishin angazhuar për partinë e parë, por sidoqoftë e rëndësishme është që fillon vaksinimi i dytë”, tha Rama.
