Kompania e prodhimit të vaksinave antiCovid, AstraZeneca ka pranuar të furnizojë me 9 milionë doza shtesë Bashkimin Evropian gjatë 3-mujorit të parë.
Sigurimi i 40 milionë dozave deri në fund të marsit është ende e pamunduar pasi kompania deklaroi se ka probleme në prodhimin e vaksinave antiCovid.
Presidentja e Komisionit Evropian, Ursula von der Leyen, tha se pas bisedës me shtatë prodhues vaksinash, ka konfirmuar se AstraZeneca po ashtu do të fillojë dërgesat një javë më herët seç kishte thënë.
BE-ja është larg Britanisë dhe SHBA-së për vaksinimin e popullatës së tyre. Ngadalësimi i vaksinimit në BE është arsyetuar me problemet shtetërore dhe autorizimet e ngadalshme të vaksinave.
