Kryeministri Edi Rama, në një dalje publike tentoi të rrëzojë të gjitha akuzat se Nragheta po pastron para në vendin tonë dhe për këtë po ndihmohet nga zyrtarët më të lartë në Shqipëri.
Përgjimet e antimafias italiane të publikuara në mediat shqiptare, Rama i quajti qesharake, ndërsa theksoi se Ndragheta në vendin tonë ka hapur vetëm një dyqan rrobash.
Rama i mohoi njohjet dhe pazaret me Antonio Gallo-n.
Ai u shpreh se dyqani luksoz i Antonio Gallo-s, në zemër të Bllokut, “Gallo Albania” prej katër vitesh në bazë të tatimeve rezulton me humbje prej 5-15 mijë euro.
Ndërkohë sipas një dokumenti zyrtar rezulton se qeveria Rama dhe ‘Ndragheta’ njihen dhe kanë kontrata financiare deri para një muaji e pagesa buxhetore të bëra pra 10 ditësh.
Referuar Thesarit të Shtetit, rezulton se në datën 22 dhjetor 2020, Ministria për Evropën dhe Punët e Jashtme të Shqipërisë, me ministër Edi Ramën, ka porositur e blerë rroba pune, te dyqani “Gallo Albania”, në pronësi të bosit të “Princit” të Ndragheta.
Po sipas dokumentit zyrtar, Proces-Verbali i Kërkesës Nr. 14, është nënshkruar më 22.12.20; po në këtë datë është bërë Fatura e Blerjes Nr. 270 me Nr. Serie 93733439; ndërsa marrja e rrobave është bërë më 28.12.2020 dhe pagesa nga ministria, është bërë më 21 janar 2021.
Nuk ka rëndësi vlera e blerjes dhe as shkelja e ligjit me blerje pa tender fare; por për mohimin që Babloku i bëri kontakteve dhe kontratave shitje-blerje mes grupeve Qeveri-Ndraghet’a.
Ky fakt është vetëm një provë; të cilën SPAK e ka indicie për të nisur hetimin e lidhjeve të kupolës qeveritare me grupin “Ndragheta”, pa pritur letër-porosinë nga Anti-mafia italiane.
http://spending.data.al/sq/treasury/list/year/2019/perf_id/GalloAlbania
