Real Madridi nuk ka hedhur asnjë hap për rinovimin me kapitenin Sergio Ramos. Veterani pritet të largohet në fund të sezonit si futbollist i lirë dhe kjo mundësi po kthehet në bindje nga dita në ditë.
Mbrojtësi nuk dëshironte të largohej, por pasiviteti i presidentit Florentino Perez për rinovimin e kontratës e ka zhgënjyer shumë. PSG po e monitoron dhe ka gati një ofertë shumë të rëndësishme, por francezët nuk janë të vetmit që e duan.
Mirror shkruan se Manchester United është i interesuar për shërbimet e spanjollit. “Djajtë e kuq” kanë nisur ngacmimet e para dhe spanjolli është gati të realizojë një lëvizje drejt klubit anglez.
