Aleanca për Mbrojtjen e Teatrit akuzon Kryeministrin Edi Rama lidhur me dhënien e lejeve të ndërtimit në zonën historike të Tiranës. Përmes një postimi në rrjetet sociale, AMT shkruan se lejet e ndërtimit të dhëna në zonën historike, pranë Sahatit në qendër të Tiranës, bien në kundërshtim me ligjet.
Sipas denoncimit të AMT, madje kjo zonë, atje ku po ndërtohet godina polifunksionale 4, 5, 11 dhe 21 kate, ndodhet brenda zonës historike të Tiranës, edhe me ndryshimet që ajo pësoi, si rezultat i miratimit të Vendimit nga Qeveria, e cila e reduktonte atë, me qëllim hapjen e dritës jeshile për ndërtimin e kullave.
“Duke menduar se reduktimi i zonës është kryer, Rama është kujdesur për rregullimin e shkeljes ligjore të lejes së dhënë me vendimin nr; 10 më datën 2/2/2017 dhe nxjerr dhe njëherë po të njëjtën leje, me vendim me të njëtin nr; 10, në po të njëjtën datë, por një vit më vonë më datën 2/2/2018. Çfarë komedie.
Më vonë kanë vënë re që duhet ndryshuar përsëri kufiri i zonës historike mbi të cilin është dhënë leja. Në 3 tetor 2018 Këshilli Kombëtar i Territorit mblidhet dhe miraton VKM nr; 582 duke lënë jashtë zonës Historike zonën e Sahatit”, thuhet në denoncimin e AMT.
Në vijim të denoncimit, AMT i bën thirrje SPAK për të hetuar pasi faktet ekzistojnë.
“Do të mjaftonin hetimet në marrjen e këtyre vendimeve dhe dhënieve të këtyre lejeve, për të kryqëzuar të ÇARTURIN Rama dhe zbuluar lidhjet mafioze të tij”, thuhet në reagimin e AMT.
Postimi nga AMT
SAGA E VEPRIMEVE TË NJË KRYEMINISTRI TË ÇARTUR!
Megjithëse Rama është kujdesur për shmangien e përgjegjësive ligjore në vendimet e shumta , në dhënien e lejeve të ndërtimit të kullave në Qendrën Historike të Tiranës nuk ka mundur dot.
VENDIMET ANTILIGJORE.
1-Si Kryetar i Këshillit Kombëtar të Territorit miraton lejen e ndërtimit për objektin; Godinë polifunksionale 4, 5, 11, dhe 21 kate ,me tre kate nëntokë; “BOOK BUILDING” me vendimin nr; 10.Datë 2/2/2017. ( bëhet fjalë për ndërtimet tek Sahati.Foto nr ; 1).Në shkelje të plotë me ligjin sepse leja është dhënë brenda zonës Historike sipas VKM në fuqi me nr; 180 miratuar në vitin 2000.
2-Me një kërkesë nga ministria e Kulturës drejtuar po Këshillit Kombëtar të Territorit, dy muaj më vonë, më 12 prill 2107 miratohet VKM nr; 325. për reduktimin e zonës Historike me qëllim ndërtimin e kullave aty dhe kudo tjetër.
Për çudi, nisur nga nxitimi, injoranca apo budallalliku, zona e Sahatit mbi të cilën është dhënë leja është përsëri brenda kufijëve të zonës Historike.( foto nr; 2).
3.Duke menduar se reduktimi i zonës është kryer, Rama është kujdesur për rregullimin e shkeljes ligjore të lejes së dhënë me vendimin nr; 10 më datën 2/2/2017 dhe nxjerr dhe njëherë po të njëjtën leje, me vendim me të njëtin nr; 10, në po të njëjtën datë, por një vit më vonë më datën 2/2/2018. Çfarë komedie.(shih foton nr; 3).
4.Më vonë kanë vënë re që duhet ndryshuar përsëri kufiri i zonës historike mbi të cilin është dhënë leja. Në 3 tetor 2018 Këshilli Kombëtar i Territorit mblidhet dhe miraton VKM nr; 582 duke lënë jashtë zonës Historike zonën e Sahatit ( shih foton nr; 4).
Komedia me titull “Rrumpallhania RAMA”.
Të gjitha këto vendime, të lejeve dhe VKM -ve, mbajnë firmën e Ramës në cilësinë e Kryetarit të Këshillit Kombëtar të Territorit shkurt (KKT).
SPAK i ka gati faktet, mjafton dëshira për të kryer detyrën dhe përmbushur qëllimin pse është krijuar.
Do të mjaftonin hetimet në marrjen e këtyre vendimeve dhe dhënieve të këtyre lejeve, për të kryqëzuar të ÇARTURIN Rama dhe zbuluar lidhjet mafioze të tij.
