Sfida kundër ekipit të Vllaznisë është shumë delikate dhe ndoshta më e rëndësishmja e këtij sezoni për Partizanin. Në “Elbasan Arena”, të kuqtë do të synojnë vetëm triumfin, për të shkurtuar diferencën në gjashtë pikë. Në formacion priten ndryshime.
Në momentin që Daja do t’i ketë të gjithë futbollistët në dispozicion, pritet që Mala të zhvendoset si mbrojtës i djathtë, por duke parë pezullimin e Muratajt, edhe në sfidën ndaj Vllaznisë do të rreshtohet në mesfushë.
Në portë do të jetë si gjithmonë lideri i skuadrës, Alban Hoxha, ndërsa në mbrojtje, asnjë ndryshim. Idrizaj, Bitri, zv.kapiteni Belica dhe Hakaj do të kenë detyrën të ndalojnë sulmet e Vllaznisë.
Në mesfushë, Broja do të rreshtohet para mbrojtjes si ekran, ndërsa Mala dhe Bardhi do të jenë ata që do të shërbejnë topa për treshen e sulmit, e cila do të jetë me Asanin, Melon dhe Junior.
Formacioni i mundshëm i Partizanit:
Partizani: Alban Hoxha; Idrizaj, Bitri, Belica, Hakaj; Broja, Mala, Bardhi; Asani, Melo, Junior
