Kreu i degës së PD në Durrës, Ferdinand Xhaferri, ka denoncuar sot faktin se megjithëse fondi i Bashkisë është rreth 300 mln lekë, varrezat e qytetit janë në gjendje të mjerueshme.
Xhaferri tha se gjendja është kjo, se askush nuk punon për të shërbyer, por për të abuzuar.
“Përpara 2 ditësh ka ndodhur e paimagjinueshmja. Këshilli bashkiak është mbledhur dhe ka vendosur te japë me koncension shërbimin funeral.
Të privatizojnë, të japin me koncesion varrezat. Vendimi është shumë tinëzar për mënyrë sesi është hartuar. Që në kokë, relacioni i referohet një vendimi të vitit 2019, për 88 milionë lekë të vjetra, por në të vërtetë ajo që jepet me koncesion shpjegohet më poshtë, janë 376 milionë lekë, një grabitje e pastër, një taksë e re që u shtohet qytetarëve të Bashkisë së Durrësit. Në prag të ikjes kanë shkuar përtej. Në të gjitha burimet që kam brenda bashkisë, këtë koncension e fiton Luan Zaza, kreu i Partisë Socialiste Durrës”, tha Xhaferri.
