Reperja Loredana ka sjellë në treg linjën e saj të kozmetikës të quajtur “1218 Beauty”. Për momentin, Loredana është fokusuar te penelat e syve, duke sjellë një shumëllojshmëri ngjyrash.
Aq i madh ka qenë interesi ndaj kësaj sipërmarrje të re të këngëtares, sa fansat kanë thyer serverin e websajtit të saj.
“Serveri u thye nga mbingarkesa, sepse 20 mijë njerëz ishin online, në të njëjtën kohë. Ju nuk jeni normalë!…” – ka shkruar Loredana, në profilin e saj në Instagram, për të sqaruar fansat se çfarë po ndodhte.
Gjithçka është zgjidhur më vonë, falë punës së ekipit të saj dhe websajti është rikthyer në funksionet e plota të tij. Mesa duket, Loredana do të jetë e suksesshme në fushën e kozmetikës, ashtu si dhe në muzikë, ku është shndërruar në një yll të rrepit.
