Ish-deputetja demokrate, Albana Vokshi, e ka cilësuar lojë mjerane, tentativën e fundit të kryeminsitrit Edi Rama dhe rilindjes, për të kapur institucionin që mund të ushtroj presion mbi median, si dhe tentativën për të përçarë opozitën.
Rama dhe të tijët sëfundmi duke përdorur emrin e ish-ministrit, Besnik Mustafaj, si kandidat për të qenë anëtar i këshillit drejtues të RTSH, tentuan që të sjellin para publikut idenë se opozita është e përçarë.
Përmes një postimi në Facebook, Vokshi e ka cilësuar si lajm të rremë dhe të fabrikuar në mediat rilindase propozimin e Besnik Mustafajit si kandidaturë për Këhsillin Drejtues të RTSH të bërë nga ana e mazhorancës.
Ish-deputetja sqaron, se Besnik Mustafaj dhe Edmond Tullumani u mbështetën dy vite më parë nga PD dhe Helidon Halili nga PS, si kandidatura për të qenë pjesë e Këshillit drejtues të RTSH, por që në mënyrë të turpshme të të paprecedentë edhe pse u vonua qëllimisht votimi i tyre për dy vjet, u rrëzuan qëllimisht nga rilindja e Edi Ramës këtë javë në Kuvendin e Shqipërisë
Sipas Vokshit nuk ka ndodhur që kandidaturat e miratuara në unanimitet në komision, të rrëzohen nga seanca plenare.
Postimi i plotë i Vokshit:
Në largim e sipër, Edi Rama po mundohet të bëjë atë që ka bërë pandërprerë gjatë gjithë pushtetit të tij 23 vjeçar, të marrë nën kontroll çdo institucion që mund të ushtrojë presion ndaj mediave dhe të përçajë opozitën.
Vakancat e Këshillit Drejtues të Radio Televizionit Publik Shqiptar, Edi Rama i përdori në mënyrë diabolike për ta uzurpuar atë dhe për të kompromentuar figurën e z. Besnik Mustafaj.
Loja e tij është mjerane. Lajmet e shpërndara nga zyra e propagandës së qeverisë kundër Besnik Mustafajt janë të rreme.
Edi Rama vonoi qëllimshëm për 2 vjet kandidaturat e miratuara në unanimitet të plotë, në respekt të ligjit, në Komisionin e Medias, të cilin e drejtoja atëherë. Besnik Mustafaj dhe Edmond Tullumani u mbështetën nga PD, Heldon Halili u mbështet nga PS.
Pasi e vonoi votimin 2 vjet, Edi Rama rrëzoi kandidaturat, në një akt të paprecedentë në historinë e parlamentarizmit. Asnjëherë më parë, nuk ka ndodhur që kandidaturat e miratuara në unanimitet në komision, të rrëzohen nga seanca plenare.
Kjo ndodh vetëm me një si Edi Rama që, në fund të pushtetit të tij, të kapë edhe Këshillin Drejtues të RTSH.
I trembur nga vendimi i shqiptarëve në 25 prill, bën të tilla lojra të pista. Ky akt, është vula e fundit e Edi Ramës kundër lirisë së medias.
