Petrit Vasili, nënkryetar i LSI, u shpreh sot se Shqipëria është kthyer në një mega-lavatriçe të pastrimit të parave.
Vasili akuzoi Kryeministrin Edi Rama se ka lejuar pastrimin e parave në mënyrë masive.
“Faktet ulërasin, janë tepër të rënda, ndaj dhe SPAK duhet të reagojë menjëherë. SPAK është në provën e tij, ose duhet të fitojë luftën me pastrimin e parave, ose s’ka pse ekziston”, tha Vasili.
Sipas tij, shqiptarët nuk kanë pse të paguajnë ekzistecën e institucioneve të drejtësisë që nuk veprojnë.
“Faktet dhe dokumentet, provat janë vetëm qindra metra larg godinës së SPAK, ndaj dhe sot po i drejtoj një tjetër thirrje për të vepruar”, tha Vasili.
Ai shtoi se përgjimet e antimafies tregojnë se pastrimit të parave i janë lënë një fushë e lirë, duke paguar 20 % për qeveritarët dhe bashkiakët.
