Krzeministri Edi Rama ka ironizuar sot programin ekonomik të paraqitur nga Partia Demokratike, duke e krahasuar atë me Tramvajin e Tiranës të 2011, premtim i bërë në atë kohë nga Lulzim Basha, para zgjedhjeve vendore.
“Programi i PD në 2021 si tramvaji i Tiranës në 2011🚡Gjumë të ëmbël🛌”, shkruan kreu i qeverisë Edi Rama.
Reagimi i Ramës ka ardhur pas prezantimit të programit ekonomik të PD. Çudia në reagimin e Kryeministrit është fakti se ai nuk ka ende një program lidhur me zgjedhjet e 25 prillit, sikundër nuk ka asnjë bilanc pozitiv për 8 vitet e tij në qeverisjen e vendit.
Kreu demokrat Lulzim Basha ka premtuar sot se kur ai të vijë në pushtet do të aplikohet taksa 9%, do të ulet çmimi i energjisë dhe u karburanteve, do të rriten pagat e arsimtarëve 60 %, ndërsa pagat e mjekëve dhe infermierëve do të arrijnë përkatësisht 1200 dhe 700 euro. Gjithashtu PD premton libra falas për të gjithë nxënësit deri në klasën e 12-të dhe pagesën e regjistrimit në universitete për të gjithë ata që të ardhurat mujore nuk i kanë më shumë se 640 mijë lekë në muaj.
PD gjithashtu premtoi hapjen e 110 mijë vendeve të reja të punës, dyfishimin e ndihmës ekonomike, si dhe krijimin e klimës për biznesin dhe investimet e huaja.
