Situata e përmbytjeve në Shkodër ka përplasur sot kryebashkiaken Voltana Ademi me ministrin e Mbrojtjes, Niko Peleshi, i cili ka inspektuar nga afër zonat e përmbytura në këtë bashki.
Ademi i ka kërkuar Peleshit që Qeveria duhet të pranojë që të shpallë gjendjen e emergjencës natyrore.
“Ne po mobilizojmë mjete e pajisje e me radhë, por na duhet një akt formal për të mobilizuar shpenzime tona. Ndaj dhe shpallja e emergjencës të gjithë strukturat vijojnë vlerësimin dhe në vijim është detyrim për qeverinë që të nisë me të gjithë procedurat ligjore. Në atë kohë nga zonja Xhaçka është thënë se nga 3 mld dëm nuk na është dhënë ashtu, Ndaj është e rëndësishme që për ekonominë më të vogël në fshat ka 10 mln lekë dhe nëse do të zgjasë më shumë dëmi mund të jetë më i madh”, tha Ademi.
Debati
Voltana Ademi: Po flas si është situata
Niko Peleshi: Ju kuptoj shumë mirë
Voltana Ademi: Unë po flas për situatën dhe për të vlerësuar atë
Niko Peleshi: Kjo nuk është një çështje se kush e ka topin
Voltana Ademi: Nuk e thashë ashtu
Niko Peleshi: Pushteti vendor s’ka nevojë për lejë për të bërë vlerësimin e dëmeve
Voltana Ademi: Ne e bëjmë gjithmonë, një gjë të tillë, kemi blerë koncentrat, por fondi i bashkisë nuk është për të blerë koncentrat
Niko Peleshi: Nëse nuk është fondi i bashkisë i mjaftueshëm, kemi fonde tona për tu mbështetur
Voltana Ademi: E keni për detyre
Niko Peleshi: E kemi detyrë të përbashkët
Voltana Ademi: Nëse nuk e dini atëherë po jua tregoj unë, po ta sqaroj tamam
Niko Peleshi: Mesazhi im është që do mbështesim familjet
Voltana Ademi: Mesazhi im është që të keni mundësi të ndihmoni sadopak këto banorë
Niko Peleshi: A e kuptoni se është e turpshme të bëjmë debate të tillë para banorëve, bashkëpunoni
Voltana Ademi: Mos e rreni popullin, mua nuk më gënjeni.
Niko Peleshi: Jemi të dënuar që të bashkëpunojmë, nuk kam ardhur për ju por për banorët.
