Monika Kryemadhi, kryetare e LSI, u shpreh sot gjatë një takimi në Divjakë, se prioritet janë turizmi dhe bujqësia.
Kryemadhi paraqiti planin e saj lidhur me zhvillimin e turizmit në Divjakë, duke shtuar se në këtë zonë nuk mjafton vetëm shkollimi.
“Nëse do të zhvillosh turizmin, ka nevojë për recepsionistë, kamarierë, kuzhinierë, ekonomistin, guidën, ka nevojë pafundësisht. Por a duhet të prodhojmë më shumë seç duhet?
Ndërkohë ke bujqësinë, ke turistë që vjen për të kaluar disa ditë. Mund të hidhet në një fushë në Divjakë dhe e këput specin, domaten me dorën e vet. Ka disa gjëra, që ti e krijon të gjithë skemën e funksionimit të bashkisë
Divjakë dhe mund të ketë të ardhura ekonomike që shkojnë drejtpërdrejtë tek familjet. Ne u marrim taksa njerëzve pa nisur prodhimi dhe më pas themi pse falimenton ekonomia? Po do të falimentojë ekonomia nëse shteti nuk është bashkëpunues, partner, nëse shteti nuk i krijon komoditetin qytetarëve të jetë në qetë për të shërbyer.
Ajo që mendoj unë është, se një bashki si Divjaka është e jashtëzakonshme për zhvillimin e familjeve të Divjakës.
Ajo që mendojmë ne dhe që është e domosdoshme, duke krijuar hapësirat e zhvillimit qoftë në bujqësi, turizëm infrastrukturë, i jep një komoditet shumë të mirë njerëzve. Sidomos familjeve të reja, për të qëndruar sepse 1 orë larg aeroportit dhe 40 minuta larg portit je”, tha Kryemadhi.
