Vonesa e hetimit/ A po i jep SPAK kohë Veliajt të zhdukë provat e lidhjes me “Ndragheta-n”?

Nga BoldNews.al

Prokurori italian, Nikola Grateirri, i cili po udhëheq hetimet e rëndësishme kundër “Ndragheta” ka një përgjigje për media të caktuara dhe eksponentë të ndryshëm politikë, të cilët e kanë kritikuar për masivitetin e arrestimeve gjatë javëve të fundit.

Shefi i Anti-Mafias së Katanzarros është i bindur se hetimet e arrestimet masive janë të nevojshme, sidomos për të ruajtur provat dhe për të siguruar zhdukjen apo tjetërsimin e tyre.

Ai është i sigurt se klanet mafioze, të cilat kanë lidhje të forta në politikë, media e biznes, kanë aftësi që të zhdukin në një kohë rekord të dhënat që i lidhin ata me veprimtari kriminale.

Kjo është qasja profesionale e njeriut që është vendosur në krye të operacionit më të madh anti-mafia në Itali në dy dekadat e fundit-shpejtësi, operativitet dhe masivitet.

Kjo është mënyra që Nikola Gratierri vlerëson se është efikase.

Emri i prokurorit italian ka zënë vend, shpesh në ditët e fundit, në median shqiptare.

Një prej hetimeve të tij kundër “Ndragheta-s” zbuloi lidhje të eksponentëve të klanit mafioz me lejet e ndërtimit në Tiranë, si edhe me ekspansionin e tyre në degë të ndryshme të ekonomisë.

Në përgjimet e dosjes hetimore rezultojnë biseda mes “princit” Andrea Gallo dhe bashkëpunëtorëve të tij për “rryshfet 20 përqind” për të siguruar leje ndërtimi në qendër të Tiranës.

LEXO EDHE  Familjarët e të sëmurëve me Covid 19 ankohen për mungesë informacioni në spitalin Infektiv: Po bëhemi vatra infektimi!

Këto përgjime nxitën polemika të shumta në Shqipëri dhe pjesa më e madhe e opinionit publik kërkon, më së paku, një reagim nga strukturat ligjzbatuese në Shqipëri, e sidomos nga Prokuroria Speciale-SPAK.

Kjo e fundit, teorikisht një strukturë e ngritur pas Reformës në Drejtësi për të luftuar korrupsionin në nivele të larta dhe lidhjet e zyrtarëve me krimin e organizuar, po e trajton skandalin e fundit me një qetësi olimpike.

Mesjavën e kaluar, media shqiptare publikoi një seri përgjimesh të Anti-Mafias, ku përmendej ryshfeti për leje ndërtimi në Tiranë, të cilat lidhen drejtëpërdrejtë me kryebashkiakun Erion Veliaj.

Vetëm të dielën, pra 4 ditë pas publikimeve, media citoi drejtuesin e SPAK-ut, të shprehej se “të hënën do të vendosej në kontakt me autoritetet italiane”.

Ndërkohë që ka kaluar rreth një javë prej shpërthimit të skandalit, nga SPAK nuk ka asnjë sinjal se është vënë në lëvizje.

Ndërkohë, kjo kohë e gjatë pa veprim, mund të jetë tërësisht e mjaftueshme për të zhdukur, eleminuar e tjetërsuar prova të mundshme të lidhjes së “Ndrangheta-s” me zyrtarë të lartë qendrorë apo lokalë në Shqipëri.