Është mbyllur në barazim 1-1 pjesa e parë mes Teutës dhe Partizanit, takim që po luhet në “Niko Dovana”.
Fillimisht në avantazh kaluan “të kuqtë” në minutën e 8-të. Jasir Asani mori një pasim nga Cordeiro dhe mposhti portierin durrsak me një diagonale të saktë me të djathtën.
Goli i barazimit për vendasit erdhi në minutën e 37-të. Autori i golit ishte Krasniqi i cili goditi saktë me kokë pas një harkimi nga këndi, duke mposhtur Alban Hoxhën.
45 minutat e para u karakterizuan nga një lojë e mirë e Teutës që u shfaqën më rrezikshëm në portën kundërshtare, ndërsa në pjesën e dytë mbetet për tu luajtur gjithçka.
