Ministria e Shëndetësisë njoftoi sot se 9 persona humbën jetën si pasojë e koronavirusit, një prej shifrave më të larta në humbjet njerëzore gjatë ditëve të fundit. Mes viktimave raportohet edhe një 29 vjeçar, duke qenë një tjetër pacient në moshë të re, që nuk përballon dot Sars-Cov2.
Që prej fillimit të pandemisë, në Shqipëri kanë humbuir jetën si pasojë e pandemisë 1324 persona, referuar shifrave zyrtare, edhe pse ka dyshime se numri i viktimave është më i lartë.
Referuar pacientëve që humbën jetën sot, Ministria e Shëndetësisë njofton se ato janë 3 qytetarë nga Tirana, 2 qytetare nga Durrësi, 2 qytetar nga Librazhdi, 1 qytetar nga Kurbini, 1 qytetar nga Lushnja, të moshave 29-84 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.
Aktualisht në 4 spitalet COVID, po trajtohen 282 pacientë, 19 në terapi intensive nga të cilët 4 pacientë janë të intubuar.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.
