Një punonjës i Bashkisë së Korçës është rrëzuar nga vinçi, ndërsa po punonte për heqjen e dekorimeve të Vitit të Ri, në zonën e pedonales në qytetin juglindor.
Nga informacionet paraprake mësohet se ai është transportuar drejt spitalit rajonal, ku ndodhet jashtë rrezikut për jetën, ndonëse ka marrë dëmtime në trup, si dhe ka thyer këmbën.
Nga raportimet mësohet se i plagosuri është shtetasi Pavli Dajko, punonjës në Ndërmarrjen e Shërbimeve të Bashkisë Korçë.
Grupi hetimor dhe policia ndodhen në vendngjarje dhe po punojnë për zbardhjen e rrethanave të aksidentit.
