Aksidenti me vdekje në Pogradec, arrestohet shoferi

Ilustruese

Identifikohet dhe arrestohet drejtuesi i mjetit i cili mbrëmjen e djeshme, pasi aksidentoi me pasojë vdekjen një shtetas në fshatin Buçimas të Pogradecit, u largua nga vendngjarja.

“Specialistët e Sektorit të Policisë Rrugore në DVP Korçë, në vijim të veprimeve hetimore dhe procedurale të kryera për zbardhjen e rrethanave dhe dokumentimin e ngjarjes së ndodhur më datë 24.01.2021, në fshatin Buçimas, Pogradec, ku u aksidentua me pasojë vdekje këmbësori P. Gj., bënë të mundur identifikimin dhe kapjen e autorit të dyshuar së bashku me mjetin tip ‘Benz’, të cilin ky shtetas drejtonte. Në përfundim të veprimeve, u arrestua në flagrancë për veprat penale ‘Shkelja e rregullave të qarkullimit rrugor’ dhe ‘Largimi nga vendi i aksidentit’, shtetasi E. J., 22 vjeç, banues në fshatin Rëmenj, Pogradec”, njoftoi policia.

LEXO EDHE  VIDEO/ Kontrolle nga policë civilë në akset rrugore, mbi 200 gjoba në pak orë. Ja rrugët që monitorohen

Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme, shtuan të njëjtat burime.