Ngacmoi seksualisht dy të mitur, ekstradohet nga Greqia trajneri i futbollit/ Emri

Interpol Tirana ka esktraduar nga Greqia shtetasin Sokol Metaj, 55 vjeç, i cili është dënuar me 5 vjet burg nga Gjykata e Apelit për ngacmim seksual ndaj dy të miturve.

Policia njoftoi se shtetasi Sokol Metaj ishte shpallur person në kërkim ndërkombëtar, pasi Gjykata e Shkallës së Parë Tiranë e ka dënuar me 5 vjet burg për veprën penale “Ngacmimi seksual” dhe Gjykata e Apelit Tiranë ka vendosur lënien në fuqi të këtij vendimi penal.

LEXO EDHE  Zgjedhjet/ Kryemadhi garon në 4 qarqe

“Më datë 15.11.2015, në afërsi të kalçetove të një kompleksi në Tiranë, në automjetin e tij, i dënuari Sokol Metaj, i cili ishte trajner futbolli, ka ngacmuar seksualisht dy shtetas të mitur, njërin prej të cilëve e kishte nxënës në kursin e tij të futbollit”, thuhet në njoftimin e policisë.