Barcelona ka mposhtur Elchen me rezultatin 0-2 në kuadër të javës së 20-të në La Liga. Skuadra katalunase e filloi mjaftë mirë takimin, duke filluar si zakonisht me presion të lartë.
Goli i parë i takimit u shënua në minutën e 39-të me anë të Frenkie de Jongut. Në 45 minutat e dyta, Blaugranasit tentuan që të vulosnin fitoren e tyre, gjë që ia arritën në minutën e 89-të. De Jong asistoi për Riqui Puig që realizoi për 2-0.
Pas javës së 20-të, Barcelona është në vendin e tretë me 37 pikë, ndërsa në raundin e 21-të do të ketë përballë Athletic Bilbaon.
