RENEA ka zhvilluar një operacion në Nikël të Fushë-Krujës, ndërsa nga raportimet e deritanishme mësohet se nuk janë gjetur armë apo lëndë narkotike.
Referuar burimeve, RENEA ka ushtruar kontrolle në 7 banesa, ndërkohë që vijon operacioni.
Kontrollet janë zhvilluar në banesat e Valter dhe Durim Bamit, në banesën e kushëririt të Durim Bamit, Ylli Çangut, Bedri Hakës dhe Ervin Kodrës.
Sipas burimeve policore, aksioni synonte sigurimin e provave për disa ngjarje kriminale të pazbardhura, ndërkohë që nuk jepen detaje.
Gjatë kontrolleve në banesa janë sekuestruar vetëm disa aparate celulare, por nuk janë gjetur prova të reja.
Kontrolli i banesave të personave me precedent penal nga forcat RENEA, raportohet se është bërë me vendim gjykate.
