Ruzhdi Allkushi fermer prej më shumë se 20 vitesh në bashkinë e Finiqit në fshatin Vrion, humbi përgjatë një ore në një zjarr masiv mëngjesin e sotëm rreth 200 krerë dele dhe më shumë se 4000 lidhje (dengje) bari.
Stalla e deleve gjendej e distancuar nga banesa dhe zjarri u pikas kur nuk kishte më asnjë mundësi shpëtimi. Ekipet e emergjencës që mbërritën në vendngjarje rreth orës 7 të mëngjesit arritën vetëm të izolojnë flakët aktive por gjithçka ishte djegur.
Vetë fermeri Allkushi nuk e mbështet versionin e një zjarri aksidental, sic raportoi paraprakisht policia, por e sheh këtë si një akt të qëllimshëm që ka autorë. Pritet që në vijim të vlerësohen edhe dyshimet e vetë fermerit.
