Komiteti Teknik i Ekspertëve zhvilloi një konferencë për situatën epidemiologjike në vend.
Ministrja e Shëndetësisë Ogerta Manastirliu pjesë e kësaj konference deklaroi se në këtë situatë të pazakontë për shkak të koronavirusit asnjë vendim nuk është i lehtë për tu marrë, ndërsa shtoi se Komiteti Teknik i Ekspertëve çdo masë e ka dhënë në përputhje me situatën epidemiologjike.
“Asnjë vendim nuk është i lehtë për tu marrë në një kohë sfiduese. Por ne kemi treguar se kemi vendosur të parin shëndetin. Vendimet tona kanë qenë në favor të fëmijëve tanë dhe orientimi i vendim të Komiteti të Ekspertëve bazohet në vendime të qëndrueshme dhe me rëndësi është mirëkuptimi i të gjithë qytetarëve dhe çdo komuniteti.
Asnjë vendim nuk është i lehtë, por këto janë situata të caktuara në momente të vështira. Komiteti ka treguar se ka marrë vendime në përputhje me situatë epidemiologjike duke reduktuar risqe që më pas mund të shkaktonin problematika të caktuara.
Theksoj se ajo që duam është të shmangim fatalitetit. Të gjithë publikut dua t’i përcjell se Komiteti Teknik i Ekspertëve do të jetë në vlerësim të vazhdueshëm të situatës dhe nëse do të ketë vendime të tjera do të bëhen me dije. Jemi të hapur për të sqaruar të gjithë të interesuarit dhe palët e përfshira”, tha Manastirliu.
Pjesë e kësaj konference ishte ministrja e Arsimit Evis Kushi e cila sqaroi se universitetet do të zhvillojnë mësimin online.
