Kontrata e shumëpërfolur ndërmjet qeverisë shqiptare dhe koorporatës farmaceutike “Pfizer” u kërkua të mbahet sekret nga qeveria shqiptare.
E ftuar në emisionin “Opinion”, ministrja e Shëndetësisë, Ogerta Manastirliu, foli mbi këtë kontratë teksa e kapi paniku. Manastirliu tha se kjo kontratë është një sekret tregtar.
Teksa u pyet nëse do të përdorim edhe vaksinë kineze për të vaksinuar popullatën, Manastirliu tha se do të përdoret çdo vaksinë e kualifikuar.
“Qeveria shqiptare ka filluar vaksinimin dhe ka bërë dy akte kontraktuale, qoftë me Pfizer, apo me mekanizmin e ovax, po negociojmë me Astra Zeneca. Jemi duke punaur në disa drejtime. Strategjia jonë është të kemi fleksibilitetin në të gjithë elemetët, financiar, etj. Të kemi sa më shumë mundësi për të vaksinuar. Në do të përdorim për popullatën ato vaksina të kualifikuara, nga FDA, EMA apo të listuara nga OBSH për përdorim.”-tha Manastirliu.
