Ylli Manjani, ish-ministër i Drejtësisë, ka ironizuar përmes një postimi në rrjetet sociale, Kryeministrin Edi Rama, i cili mban sekret vendin nga kanë ardhur dozat e para të vaksinave në Shqipëri, por edhe ka klasifikuar si sekret shtetëror kontratën me kompaninë Pfizer për 500 mijë vaksinat që do të vijnë në Shqipëri.
Manjani shkruan se nuk di të thotë për efektet e tjera anësore, por qartësisht një vaksinë kontrabandë është e destinuar të mbajë në këmbë kontrabanistët.
“Pra të bën automatikisht kondrabandist nëse e bën. Një vaksinë informale, ka efekt anësor informalitetin.
Një vaksinë pa origjinë, të bën automatikisht emigrant pavarësisht se ku jeton. Këto efekte anësore janë të dukshme”, shkruan Manjani.
