Parlamenti grek ka votuar me shumicë dërrmuese votash zgjerimin e detit territorial me 12 milje në Jon dhe Mesdhe.
Projektligji u votua me 284 vota “pro” nga 300 vende që ka parlamenti gjithsej, pra me më shumë se dy të tretat.
Ky Projektligj, që tashmë u bë ligj pasi kaloi në Kuvendin grek, jep dritën jeshile për zgjerimin e detit territorial në Kretë dhe zona të tjera.
Kryeministri grek Kyriakos Mitsotakis ka mbajtur një fjalim të fortë gjatë ditës së sotme në Parlamentin duke mbrojtur projektligjin për zgjerimin e ujërave territoriale nga 6 në 12 milje në detin Jon dhe Mesdheun Qendror.
Mitsotakis nga salla e Parlamentit gjatë debatit tha se kanë dyfishuar ujërat territoriale dhe theksoi se tashmë janë “zotër” të Jonit.
“Në fillim të 2021 ne ndërmarrim një hap të madh pas vendimit për zgjerimin me 12 milje, është dominimi i detit Jon”, tha kryeministri grek.
