Nesër, duke filluar nga ora 18:00, luhet në “Elbasan Arena” derbi i kryeqytetit mes Partizanit dhe Tiranës.
Një ndeshje që premton spektakël me dy skuadrat që kërkojnë çdo kusht fitoren duke parë se çfarë rëndësie kanë 3 pikë në derbi.
Si Dede ashtu edhe Daja kanë punuar gjatë javës duke ideuar edhe 11-shet titullare me të cilat do të zbresin në fushë.
Te Partizani pas përgjigjes pozitive nga FIFA për Çinarin ka bërë që trajneri Ilir Daja të përziejë kartat dhe me shumë mundësi pritet ta hedh sulmuesin shkodran që nga minuta e parë. Malaj rikthehet në mesfushë, ndërsa Idrizaj merr vendin e tij në krahun e djathtë të mbrojtjes, ndërsa pjesa tjetër e skuadrës nuk ndryshon.
Te Tirana, trajneri Dede pritet të hedh në fushë nga minuta e parë Taulant Seferin që do të luajë së bashku me Muçin në sulm, ndërsa mesfusha do të përbëhet nga Halili, Batha, Toli dhe Torassa.
Partizani: Hoxhaj, Idrizaj, Belica, Bitri, Hakaj, Mala, Broja, Murataj, Bardhi, Çinari (Bardhi), Solomon.
Tirana: Bekaj, Toshevksi, Najdovksi, Hoxhallari, Ismailgeci, Toli, Batha, Halili, Torassa, Seferi, Muçi.
