Kanë përfunduar 4 takimet e vlefshme për javën e 15-të të Kategorisë Superiore ku u regjistruan 8 gola.
Vllaznia ka arritur një fitore në frymën e fundit 0-1 kundër Bylisit. Heroi i takimit ka qenë Ardit Hoxhaj. Sulmuesi vlonjat realizoi me kokë brenda zonës në minutën e 95-të.
Kukësi u rikthye të fitojë pas 4 humbjeve radhazi në kampionat. Verilindorët triumfuan në transfertë 1-3 kundër Apolonisë. Për skuadrën e drejtuar nga Rrahman Allaçi, shënuan Ibrahimi 15’ me 11-metërsh, Peposhi 76′ , Eze 82′ . Për vendasit golin i cili solli edhe barazimin e përkohshëm në ndeshje e shënoi Smaci 60’.
Fitore arriti edhe Teuta, të cilët mundën jashtë fushe Kastriotin me rezultatin minimal 0-1. Goli vendimtar i sfidës u shënua në minutën e 72-të dhe mban firmën e Dejvi Bregut.
Ndërkohë supersfida mes Laçit dhe Skënderbeut u mbyll në barazim 1-1. Fillimisht në avantazh kaluan korçarët me anë të Jorgo Meksit në minutën e 43-të.
Kurbinasit reaguan në pjesën e dytë duke rikthyer baraspeshën me sulmuesin kryesor Nëabueze në minutën e 51-të nga pika e bardhë e 11-metërshit. Përfundimisht 1-1 dhe të dyja skuadrat duhet të kënaqen me nga 1 pikë.
Java e 15-të e Superiores mbyllet nesër me supersfidën Partizani-Tirana në orën 18:00.
