Juventusi fiton ndaj Napolit dhe merr Superkupën e Italisë, Ronaldo shkruan historinë

Juventusi mposhti Napolin me rezultatin 2-0 duke fituar Superkupën e Italisë. Pirlo mori kështu trofeun e tij të parë në karrierë si trajner falë golave të Cristiano Ronaldo dhe Alvaro Moratës.

Për bardhezinjtë ishte një sukses që largon pak kritikat pas humbjes së turpshme ndaj Interit 2-0 në kampionat.

Napoli duhet të hidhërohet sidomos sepse kapiteni Lorenzo Insigne humbi penalltinë që mund të vendoste barazpeshën 1-1 dhe të çonte gjithçka te diskutimi i llotarisë së 11-të metërshave. Madje, edhe Lozano pati shans në fund, por spanjolli Morata zbatoi ligjin e futbollit duke shënuar në minutën e 95-të, gol që u vuri kapak sfidës.

LEXO EDHE  Pirlo: Ia bëmë të vështirë vetes, do e mendoj pozicionin e CR7

Nga ana tjetër Cristiano Ronaldo me golin e tij në minutën e 64-t ka shkruar sonte historinë e futbollit botëror pasi u bë golashënuesi më i mirë i të gjitha kohërave. Ronaldo tani ka tejkaluar rekordin e sulmuesit çeko-austriak Josef Bican me 759 gola!