Sekretari i Përgjithshëm i PD-së, Gazment Bardhi, ka replikuar me Taulant Ballën, i cili është drejtues politik i PS-së në të njëjtin qark me Bardhin, Elbasanin.
Në një studio televizive, Balla bëri diversion duke u shprehur se PD dhe PS kanë marrëveshje kundër LSI-së.
Por Bardhi në një reagim në rrjetet sociale thekson se diversionet politike nuk e ndalin dot ndryshimin.
“Diversionet idiote të Taulant Ballës për Opozitën e Bashkuar kanë vetëm 1 shkak: humbjen e thellë të pushtetit të korruptuar të Edi Ramës dhe Taulant Ballës më 25 Prill!
Çdo sondazh i nxjerr humbës, sepse çdo shqiptar e di se Edi Rama dhe Taulant Balla kane vetëm 1 hall: të shtojnë pasuritë e tyre, llogaritë bankare, vilat e fshehura!
Ky është modeli që do të shkojë për skrap më 25 Prill.
Asgjë nuk do të gëzojnë! 25 do të sjellë ndryshimin! Do të jetë pjesëmarrja më e madhe në histori në votime! Për ndryshimin!
Për shpresën!’, shkruan Gazment Bardhi në rrjetin social.
