Sanitarja e spitalit Covid-2, Tire Alldervishi, në datën 15 janar, ka depozituar ankimim në Apel për vendimin e Gjykatës së Tiranës që vendosi masën e sigurisë arrest me burg.
59-vjeçarja kërkon zbutje të masës së sigurisë, me të njëjtat argumente si në Shkallën e Parë. Sipas mbrojtjes, ajo është e infektuar me ‘Covid 19’ dhe kjo i ka lënë lodhje dhe pasoja në shëndet.
Gjithashtu provat e paraqitura nga media konsiderohen si të paligjshme dhe pretendon se në bazë të disa provave të reja, do lehtësohet situata penale e Tire Alldervishit.
Kjo e fundit akuzohet se përvetësoi 8 milionë lekë të vjetra duke mashtruar vajzën e një paciente.
Prej ditësh Prokuroria po verifikon edhe stafin e spitalit ‘Shefqet Ndroqi’ me dyshimin se mund të kenë bashkëpunuar me Alldervishin në zhvatjen e parave.
