Hamilton heziton të rinovojë, Mercedes lodhet dhe kontakton me zëvendësuesin

Rinovimi i kontratës mes pilotit britanik Lewis Hamilton dhe Mercedes ende nuk po vjen, ndërkohë që botërori i Formula 1 nis pas dy muajsh. 7 herë kampioni i botës është duke u përgatitur për sezonin e ri, por aktualisht është ende pa një makinë.

Palët duan të vijojnë bashkëpunimin dhe rinovimi duket se mund të ndodhë në çdo moment, por pengesë mbetet rroga e lartë që kërkon Hamilton. Ndaj, duke parë këtë situatë disi konfuze, Mercedes po mendon për një alternativë tjetër.

Sipas mediave britanike, drejtuesit e makinës gjermane kanë kontaktuar me një tjetër pilot anglez, George Russell. Ky i fundit zuri vendin e Hamilton (kur u infektua me Covid-19) në garën e Sakhir dhe bëri një paraqitje të mirë.

LEXO EDHE  Tifozët deklaratë kundër Superligës, nismës i bashkohen edhe TKZ

“Në garën e Sakhir bëri një paraqitje të mirë edhe pse është ende një pilot i ri. Sa më shumë gara që ata zhvillojnë aq më shumë eksperiencë fitojnë. Vjet pati disa gara që ishin një leksion i mirë për pilotët e rinj”, tha Toto Wolff, drejtori sportive i Mercedes.